Pandemia e Covid-19, është duke siguruar një pasqyrë të llojit të kërcënimeve globale të shëndetit, që do të shfaqen në të ardhmen, përderisa planeti po bëhet më i ngrohtë për shkak të ndryshimit klimatik, thonë ekspertët.

“Me Covid-19, ne mund ta kuptojmë më mirë urgjencën e kësaj sesa përmes ndikimit të krizës klimatike”, tha tha Mandip Dalival, drejtor i HIV, shëndetit dhe zhvillimit në Programin e Kombeve të Bashkuara për Zhvillim, raporton Reuters, transmeton portal arbresh.info

Rritja e shpyllëzimit dhe përhapja e bujqësisë po sjell pasojat e ndryshimit të klimës dhe në të ardhmen, njerëzit do të jenë në kontakt më të ngushtë me sëmundjet e jetës së egër, shtoi ai.

Qyteti kinez ndalon ngrënien e qenve dhe maceve pas pandemisë koronavirus

Qendra amerikane për Kontrollimin dhe Parandalimin e Sëmundjeve deklaroi se pandemia e koronavirusit buron nga lakuriqët dhe infeksionet e hershme janë të lidhura me tregun e madh të kafshëve të gjalla në qytetin kinez të Wuhan.

OKB: Ndryshimi i klimës dëmton transportin detar botëror

Kërcënimet që bën ndotja e ajrit për mushkëritë, që shkaktohen nga përdorimi i lëndëve djegëse fosile, gjithashtu shkaktojnë ndryshim të klimës, dhe ato do t’i bëjnë njerëzit më të ndjeshëm ndaj sëmundjeve të frymarrjes.

Pa adresuar faktorët themelorë që e bëjnë një pandemi kaq shkatërruese,  nga mungesa e gatishmërisë në një sistem shëndetësor të pambrojtur dhe të brishtë, bota do të rrotullohet vazhdimisht  nga njëra pandemi te tjetra.

Covid-19 na tregon se kur njerëzimi bashkohet për një qëllim, ndryshimi bëhet dukshëm më i shpejtë, thanë ekspertët, duke theksuar se edhe  problemet në dukje të pazgjidhshme, gjejnë zgjidhje./arbresh.info/