Libreria Acqua Alta, Venezia. Bbc e citon si “libraria e vetme nën ujë “. A pothuajse. Dhe shfaq këtë pamje, të cilën autorja, Justine Bibler, që gjendej në Serenissima të nëntorit të kaluar, e komenton kështu, në Flickr: “Venezia është è përmbytur… por Libreria Acqua Alta qendron rregullisht e hapur. Në të vërtetë, është në elementin e vet”.

El Péndulo, Mexico City. Muzikë live, një kafe e brendshme dhe një “vegjetacion” i dendur brenda për ta kujtuar freskinë në torridat verore meksikane. E për 20 vjetorin e saj, vitin e kaluar, 1000 libra të ofruara gratis, por me një diçiturë të posaçme: “ky është një libër falas, ju lutemi kthejeni në ndonjë hapësirë tjetër publike” (foto Flickr Aquiles Carattino/aqui_c)

Livraria Lello, Porto, Portugali. Kjo librari historike, e hapur në fillim të shek XIX, është e njohur për stilin e saj Art Nouveau (foto Flickr: Michael Huniewicz/M1key.me)

Shakespeare & Company, Paris. E hapur në Rive Gauche më 1951, nga një amerikan, George Whitman, dhe e drejtuar nga e bija Sylvia deri në vdekjen e saj, 3 më parë, ka qenë cak i rëndomtë i shkrimtarëve të beat generation, si Allen Ginsberg e William S. Burroughs. Prej herës libraria, që është edhe bibliotekë me mundësi të marrjes me qira të veprave, u ofron shkrimtarëve mundësinë e strehimit.

Librairie Avant-Garde, Nanijing (Nanchino). I definuar “dyqani më i bukur i librave i Kinës”, e ka trashëguar hapësirën e një parkingu. Zë rreth 4 mijë metra katrorë.

10 Corso Como, Milano. Libraria në brendi të kompleksit të ndërtuar nga Carla Sozzani, me repertorin e saj të botimeve të artit, dizajnit, kulturës dhe modës, ka zënë vend në top dhjetëshin e BBC-së.

Polare. Maastricht, Holandë. Ndërtuar nga Studio Merkx+Girod (tash Merk X) në një kishë dominikane të shek XIII, Polare është në të gjitha kuptimet një librari që ngre leximin në nivelin e … eksperiencës religjioze. Të paktën tani për tani: pronari në të vërtetë e ka deklaruar bankrotimin në shkurt dhe dyqani është ende hapur vetëm falë një kampanje të crowdfunding të lansuar nga personali.

Honesty Bookshop, Hay on Wye, Wales. Qyteti i vogël në kufi me Anglinë është njëvend për librofilë, me një festival të letërsisë me traditë tashmë 25 vjeçare, është përshkruar nga Bill Clinton si një “Woodstock i shpirtit”. Nja tridhjetë librari gjallërojnë rrugicat e tij, por siti më joshës është kjo tezgë përposh kështjellës normane (foto Flickr Bronwen Lee/digibron).

El Ateneo, Buenos Aires. Një ikonë e vërtetë, kjo librari, e ndërtuar në një ndërtesë të vitit 1919 si Teatro Grand Splendid, pastaj rikonvertuar, 10 vjet më vonë, në kinema dhe në fund e shndërruar në një hapësirë të posaçme kushtuar kultivimit të aktiviteteve intelektuale, ku mysafirët mund të shijojnë leximin në njërën nga skenëzat e teatrit, nën një tavan të paanë afreskash (foto Flickr Carlos Toledo/catoledo)

Bart’s Books, California. Quhet “dyqani më i madh i librave nën qiellin e hapur në botë”. E hapur më 1964 nga dëshira e thjeshtë për t’u liruar nga botimet që nuk i lexonte më të autorit të vet, Richard Bartinsdale, ka një veçanti: një pjesë e mirë e shitjeve bëhen ende sipas rregullave të kodit të nderit e kalimtarët mund të blejnë libra duke lënë paratë që detyrohen në një kuti kafeje. Gjendet në Ojai, 50 kilometra në lindje të Santa Barbaras.