“Ka të lënduar” – Policia jep detaje për aksidentin në autostradën “Ibrahim Rugova”

08:58 | 17 Tetor 2025
E.K

Një aksident i rëndë trafiku ka ndodhur mëngjesin e sotëm në autostradën “Ibrahim Rugova”, rreth orës 08:05.

Sipas pamjeve të siguruara nga Arbresh.info në aksident është përfshirë nj veturë dhe një kamion.

Zëdhënësi i Policisë së Kosovës, Bajram Krasniqi, ka konfirmuar për Arbresh.info se si pasojë e aksidentit një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, ka thënë zëdhënësi i Policisë së Kosovës, Bajram Krasniqi./Arbresh.info