Qeveria e Kosovës kishte planifikuar të shpenzoj mbi 5 mijë euro për një tepison.

E nga zyra e kryeministrit kishte bërë të ditur se tepisoni ishte planifikuar të blihej për zyrën e ish-zëvendëskryeministrit të Kosovës, Avdullah Hoti.

Nga ky i fundit nuk ka pasur asnjë reagim.

Por, Ardita Dushi, ish-shefe e kabinetit të Hotit e ka konfirmuar për arbresh.info se tepisoni ka qenë i dedidukuar për zyrën e tyre.

Ajo madje e ka quajtur kërkesë joluksoze.

“Ka qenë i dedikuar për zyrën ku kemi qenë stafi i Hotit sepse i vjetri ka qenë shumë i dëmtuar. Nuk ka qenë kërkesë luksi”, ka thënë ajo.

Dushi ka shtuar se tenderi është refuzuar pasi parashikimit të vlerës.

“Kur kanë ardhë vlerësimet e atyre që i kanë bë, kompania ka dalë një shumë enorme të cilën ne e kemi refuzuar”, ka përfunduar ajo.

Ndryshe Qeveria e Kosovës kishte hapur tender për furnizim me tepisona për ndërtesën e Qeverisë.

Vlera e parashikuar e kontratës është 5 mijë e 300 euro.

Aty ishin dhënë detaje për tepisonin.

“Tespisoni kërkohet të jetë me këto karakteristika: “1. Materiali 100%pp 2. Pesha e fijeve 2400gr m² 3. Lartësia e fijeve 17mm 4. Pesha totale 3300gr m² 5. Lartësia totale 19mm 6. Numri i fijeve 170640 m² (-7.5%+10%) 7. Tepisoni të jetë antistatik, antimagnetik dhe i lehtë për mirëmbajtje m² 310”, thuhet në njoftimin për tender”, thuhej në njoftim.

Ky tender ishte anuluar./arbresh.info/