Ministri për Zhvillim Ekonomik Valdrin Lluka sot ka mbajtur premtimin e tij  duke formuar Bordin Mbikëqyrës të gjigantit metalurgjik “Trepça”, shkruan portali arbresh.info

Ai në muajin mars kishte thënë se qysh në fillim të muajit prill do t’i jepej një epilog situatës së krijuar prej kohësh.

“Bordin presim ta kemi funksional, pasi ka pasur lëvizje në fillim të prillit një bord aktiv. Më 25 mars është faza e intervistave. Janë 9 anëtarë të Bordit, 2 vijnë nga përfaqësuesit e punëtorëve pasi janë 20 për qind aksionarë dhe 7 të Qeverisë”, kishte thënë Lluka.

Qeveria e Kosovës, në mbledhjen e sotme ka miratuar shqyrtimin e propozimit të Komisionit Rekomandues për emërimin e anëtarëve të Bordit Mbikëqyrës të Trepçës.

Për anëtarë janë propozuar: Esat Peci, Shyqeri Sadiku, Naser Peci, Ardian Syla, Feriz Fetahu dhe Xhafer Nuni./Arbresh.info/