Këshilli Prokurorial i Kosovës ka ndarë rreth 100 mijë euro ose saktësisht 75 mijë euro për sigurim të veturave.

Në këtë çmim hynë edhe sigurimi i shëndetit në udhëtim për 3 vitet e ardhshme, shkruan arbresh.info.

Kështu bëhet e ditur në njoftimin për kontratë të bërë publike në faqen zyrtare të Komisionit Rregullativ të Prokurimit Publik. Aty thuhet gjithashtu se për kontratën me titull ‘Sigurimi i automjeteve te Sistemit Prokurorial të Kosovës dhe sigurimi i shëndetit në udhëtim’, një nga kushtet e pjesëmarrjes është përfundimi i minimum2 kontratave  me sukses.

“Operatori ekonomik duhet të ofrojë dëshmi se ka përfunduar minimum 2 kontrata me sukses për  shërbime të sigurimit gjatë tri viteve të  fundit nga data e publikimit te njoftimit për kontrate”, thuhet aty.

Ndërsa një nga kriteret për dhënie të kontratës është ofrimi i çmimit më të ulët.

Afati i fundit për pranim të tenderëve / aplikacioneve është data 13.05.2020, po atë ditë në orën 10:00 do të bëhet edhe hapja e tyre.

Te informacionet shtesë thuhet se operatorët ekonomik do të kenë të drejtë të dorëzojnë tenderin, kërkesën për pjesëmarrje dhe dokumentet e tjera të nevojshme apo dosjet të cilat u lejohen gjatë kryerjes së një aktiviteti të prokurimit në gjuhën Shqipe, Serbe dhe Angleze./arbresh.info/