Kryeministri i Kosovës, Avdullah Hoti përmes një postimi në Facebook ka bërë të ditur se Qeveria e tij ka marrë dritën jeshile për implementimin e “Programit për rimëkëmbjen ekonomike”.

Hoti ka treguar së gjatë viteve 2020-2021, ai së bashku më ministrat e kabinetit do të punojnë për të futur mbi 1 miliardë euro në ekonominë e Kosovës, transmeton arbresh.info

Postimi i tij i plotë:

Të dashur qytetarë,

Me miratimin e vendimit për “Tejkalim të rregullave fiskale” nga Kuvendi i Kosovës, ne si Qeveri sot kemi marrë dritën jeshile për implementimin e “Programit për rimëkëmbje ekonomike”.

Gjatë viteve 2020 – ’21, me ministrat e kabinetit tim, do t’i angazhojmë të gjithë resorët shtetërorë për t’i futur mbi 1 miliard euro në ekonominë e Kosovës. Ashtu sikur shumica e vendeve të BE-së të prekura nga #COVID19, edhe ne e kemi ndjekur rregullin e rritjes së deficitit buxhetor, në mënyrë që të garantojmë qëndrueshmëri financiare.