KE: Evropa drejt një recesioni edhe më të thellë nga sa mendohej

18:05 | 7 Korrik 2020
Arditë Shkodra

Efektet e pandemisë së Covid-19 në ekonominë e Bashkimit Evropian do të jenë edhe më shkatërruese nga sa mendohej fillimisht, sipas parashikimit të fundit nga Komisioni Evropian.

“Në 19 vendet e zonës së euros, PBB-ja pritet të tkurret me 8,7% këtë vit, në mënyrë të konsiderueshme më rëndë se rënia me 7,7 % në parashikimin e bërë në maj”, thanë ekspertët ekonomikë të BE-së.

“Parashikimi i verës tregon, para së gjithash, se rruga e rimëkëmbjes është ende e shtruar me pasiguri”, theksoi eurokomisioneri për Ekonominë, Paolo Gentiloni, ndërsa paraqiti shifrat në Bruksel.

Për të gjithë BE-në, në të 27 vendet, do të ketë një rënie prej 8,3 % në vitin 2020.

Pavarësisht një sërë politikash të ndërmarra në BE dhe në nivel kombëtar, Blloku pritet të kthehet në rritje në vitin 2021./atsh