Ministria e jashtme e Italisë thotë se ambasadori italian në Republikën Demokratike të Kongos është vrarë në një sulm ndaj një autokolone të Kombeve të Bashkuara në lindje të vendit, shkruan BBC.

Luca Attanasio vdiq në spital të hënën pasi autokolona e Kombeve të Bashkuara ku po udhëtonte ai, u sulmua pranë Gomës.

“Me trishtim të thellë që Ministria e Jashtme konfirmon vdekjen, sot në Goma, të ambasadorit italian,” tha deklarata e ministrisë.

Një oficer i policisë ushtarake italiane që udhëtonte me të dërguarin dhe një person i tretë u vranë gjithashtu, thonë raportet, transmeton arbresh.info.

Zyrtarët në Parkun Kombëtar Virunga thonë se sulmi ishte një rrëmbim i mbetur në tentativë.

Shumë grupe të armatosura veprojnë në një park përreth kufirit me Ruandën dhe Ugandën.

Rojet e parkut sulmohen rregullisht dhe vriten nga milicët./arbresh.info/