Çmimi i naftës në tregjet globale ka arritur në nivelin më të ulët që prej muajit shkurt, kohë kur nisën edhe tensionet e luftës Rusi-Ukrainë.
Bursa e Londrës është hapur këtë të mërkurë me çmimin 92 dollarë për fuçi, nga 98 dollarë që ishte një javë më parë, ndërsa në bursën e Shteteve të Bashkuara të Amerikës, 1 fuçi kushton 86 dollarë.
Rënie ka patur edhe në bursën Platts, ku shiten produktet e përpunuara që janë direkt për konsum.
Një javë më parë, çmimi për 1 ton gasoil të përpunuar ishte 930 dollarë, ndërsa këtë javë 1 ton shitet me 900 dollarë.
Pavarësisht rënies së çmimeve, prej 7 ditësh Bordi i Transparencës ka vendosur që të mbajë të pandryshuara çmimet për naftën dhe benzinës, që prej vendimit që mori për rritjen e tyre më 11 gusht.
1 litër naftë tregtohet me pakicë me 221 lekë, ndërsa benzina me 202 lekë.
Vendimi i bordit për këto çmime u morr një ditë pasi çmimet në bursën Platts Mediteran u rritën me 23 dollarë toni për benzinën dhe 45 dollarë për produktin diesel.
Sot, çmimi në tregjet për këto produkte është mesatarisht vlerë 80 dollarë më pak për ton. /euronews.al
Deputeti gjerman: Nëse Serbia dëshiron BE, duhet ta njohë Ko...
A mund të ndikojë rezultati i zgjedhjeve në SHBA në Ballkan?
Hamasi do ta mbajë të fshehtë identitetin e liderit të ri pë...
Shkëlqeu me Granadan këtë fundjavë, Uzuni në formacionin e j...
Policia jep detaje për aksidentin tragjik ku humbën jetën dy...
Pastrim parash, korrupsion dhe mosdeklarim pasurie, si ndodh...