Trump për vaksinën e Moderna-s: Zbulimet ndodhën nën autoritetin tim

16:01 | 16 Nëntor 2020

Presidenti amerikan, Donald Trump, ka reaguar së fundmi pas lajmit për vaksinën e Moderna-s, e cila thuhet se ka rezultoi 94.5 për qind efektive në provat e hershme.

Trump deklaroi se këto zbulime të mëdha ndodhën falë ‘përkushtimit’ të tij, pasi kishte reaguar edhe një javë më parë për rezultatin e vaksinës Pfizer dhe BioNTech.

“Një tjetër vaksinë sapo lansoi rezultatet. Këtë herë ishte e kompanisë Moderna me 95 për qind efikasitet”, u shpreh ai në Twitter.

“Për ata historianë të mëdhenj, ju lutem mos harroni se këto zbulime të mëdha që do t’i japin fund Sëmundjes së Kinës ndodhën të gjitha nën autoritetin tim”, potencoi Trump.

Vlen të theksohet që ai kishte deklaruar para disa muajve që vaksina kundër coronavirusit do të lansohej përpara zgjedhjeve presidenciale të SHBA-së, megjithëse një gjë e tillë nuk ndodhi.

Lajmet më të lexuara