Të afërmit e një personi të përshkruar si një manjat kriptomonedhash i shpëtuan një tentative të tmerrshme rrëmbimi në Paris.

Incidenti, i cili ndodhi afërsisht në orën 8:20 të mëngjesit më 13 maj në Rue Pache, u kap në kamera në një video të xhiruar nga ndërtesat aty pranë, dhe thuhet se pa tre burra duke u përpjekur të detyronin një grua të hipte në një furgon.

Raportohet se rrëmbyesit e dyshuar kanë tentuar të rrëmbejnë një grua 34-vjeçare dhe fëmijën e saj dyvjeçar dhe t’i fusin në një furgon, shkruan Le Parisien.

Quelle horreur.

La fille d’un entrepreneur français dans les cryptos vient de faire l’objet d’une tentative d’enlèvement en plein Paris.

Heureusement des riverains étaient présents pour la sauver.

Il est urgent d’éradiquer la racaille de ce pays.pic.twitter.com/jE13LRBpra

— Antonin Ferreira Roche (@Antonin_FR_) May 13, 2025

Tre rrëmbyesit e dyshuar, të cilët mbanin maska, u penguan në përpjekjet e tyre nga ndërhyrja e guximshme e burrit të gruas.

Burri shkoi në ndihmë të gruas së tij, duke u përfshirë në një përleshje të ashpër me sulmuesit, njëri prej të cilëve thuhet se hodhi armën e tij.

Rrëmbyesit e mundshëm u detyruan të tërhiqeshin në automjetin e tyre dhe të largoheshin duarbosh.

Kalimtarët e rastit e panë me tmerr ngjarjen, shumë të frikësuar për të ndërhyrë. Automjeti i të dyshuarve për rrëmbim u gjet më vonë i braktisur në një rrugë në të njëjtën lagje.

Zyra e prokurorit të Parisit ka kërkuar hapjen e një hetimi për incidentin tronditës.

Një numër investitorësh të lidhur me kriptomonedhat janë rrëmbyer javët e fundit në Francë, duke bërë që policia franceze të nisë një hetim. /Telegrafi/