Djathtistit Richard Spencer thuhet t’i jetë ndaluar hyrja në 26 shtete evropiane për pesë vite.

Lideri i së djathtës ekstreme, është ndaluar të shkojë në këto vende për shkak të pikëpamjeve të tij, transmeton portali arbresh.info

Agjencia shtetërore e lajmeve PAP e Polonisë tha se autoritetet polake ia kishin ndaluar hyrjen Spencer, i cili u bë i famshëm pasi u grushtua në një protestë anti-Trump.

Por vetë Spencer tha se ende nuk kishte marrë konfirmimin e qeverisë për ndalimin e tij të supozuar dhe do të përpiqej ta sfidonte atë.

“Unë jam duke u trajtuar si një kriminel nga qeveria polake. Është thjesht çmenduri. Unë nuk kam bërë asgjë. Për çfarë po më akuzojnë? “I tha supremacisti i bardhë Associated Press.

39-vjeçari, dëshironte të vizitonte Poloninë për përvjetorin e Ditës së Pavarësisë, por hoqi dorë pasi që qeveria polake tha se nuk ishte i mirëpritur./Arbresh.info/