Mediat lokale raportojnë se disa raketa kanë goditur një mori pjesë të kryeqytetit afgan, me të paktën tetë viktima dhe dhjetëra të plagosur.

Agjencia e lajmeve AFP tha që shpërthime të fuqishme janë dëgjuar në pjesë e banuara në Kabul, përfshirë edhe zonat që janë të fortifikuara në Zonën e Gjelbër ku janë dhjetëra organizata ndërkombëtare, transmeton portali arbresh.info

Sipas DPA, e cila citoi ministrinë afgane të shëndetësisë, të paktën tetë civilë u vranë pasi 14 mortaja me raketa u ulën në pjesë të ndryshme të Kabulit. Edhe 21 të tjerë u plagosën.

“Terroristët qëlluan 23 raketa në qytetin e Kabul. Bazuar në informacionin fillestar, tetë persona u martirizuan dhe 31 të tjerë u plagosën,” tha zëdhënësi i ministrisë së brendshme Tariq Arian, i cili fajësoi talibanët për sulmin.

Sipas Tolo News, një kanal lokal i lajmeve, talibanët mohuan përfshirjen në sulm. Si talebanët ashtu edhe grupet militante “Shteti Islamik” (IS) vazhdojnë të kryejnë sulme në të gjithë vendin. “Sulmi me raketa në qytetin e Kabulit nuk ka asnjë lidhje me muxhahedinët e Emirateve Islamike,” tha zëdhënësi i talibanëve Zabihullah Mujahid, duke përdorur emrin e kryengritësve për Afganistanin.

“Ne nuk hapim zjarr verbërisht në vendet publike.”

Në gjashtë muajt e kaluar, talibanët kryen 53 sulme vetëvrasëse dhe 1,250 shpërthime që lanë 1,210 civilë të vdekur dhe 2,500 të plagosur, tha Arian këtë javë./arbresh.info/