Numri i njerëzve të vrarë nga sulmet ruse në Ukrainë të hënën ka shkuar në 44, sipas raporteve.

Autoritete ukrainase thanë se mes viktimave ishin 5 fëmijë, ndërsa 196 persona u plagosën.

Rreth 18 lokacione në të gjithë Ukrainën u sulmuan, duke përfshirë spitalin e fëmijëve Okhmatdyt dhe qendrën mjekësore Adonis, tha Svitlana Vodolaha, një zëdhënëse e Shërbimit Shtetëror të Emergjencave të Ukrainës.

“Shumë nga sulmet e Rusisë në Ukrainë kanë rezultuar në humbje dhe dëmtime të mëdha civile, dhe sulmet e 8 korrikut vetëm sa e shtuan atë shifër të tmerrshme. Sulmet e drejtuara ndaj objekteve mjekësore janë krime lufte sipas ligjit ndërkombëtar humanitar dhe goditja që goditi spitalin e fëmijëve në Okhmatdyt duhet të hetohet si një krim i mundshëm lufte.”,” tha Tirana Hassan, drejtoreshë ekzekutive në Human Rights Watch (HRW).

Pushtimi i Rusisë ka dëmtuar ose shkatërruar të paktën 1,736 objekte mjekësore në Ukrainë, ka vrarë të paktën 9,560 civilë dhe ka plagosur të paktën 21,450 të tjerë, sipas HRW.

/abcnews.al