Slloveni, protesta kundër masave të reja

23:04 | 13 Janar 2021

Qindra qytetarë u mblodhën në Sheshin e Republikës në Lubjanë për të protestuar kundër masave të paraqitura për të parandaluar përhapjen e koronavirusit.

Policia u bëri thirrje protestuesve që të shpërndahen sepse çdo tubim është e ndaluar nga një urdhëresë e përkohshme.

Qytetarët u mblodhën rreth orës 2 të pasdites me qëllimin për të protestuar para ndërtesës së qeverisë, e cila ndodhet në shesh, por ndërtesa ishte e rrethuar nga një gardh, transmeton portali arbresh.info

Protestuesit thanë se po protestonin gjithashtu kundër të gjitha partive politike që kanë udhëhequr Slloveninë në 30 vitet e fundit.

Ministri i Brendshëm Alojz Hoys kishte deklaruar më parë se policia do të përdorte topa uji nëse ishte e nevojshme dhe nëse pjesëmarrësit bëheshin të dhunshëm. Masat kufizuese janë aktualisht në fuqi në Slloveni, të cilat përfshijnë ndalimin e tubimeve, ndalimin e lëvizjes nga një komunë në tjetrën.

Protesta është organizuar nga mediat sociale, ku organizatorët kanë bërë thirrje që të protestohet kundër masave kufizieve, si masë për parandalimin e koronavirusit./arbresh.info/

Shpërndaje në rrjete sociale

Lajmet më të lexuara