Pentagoni ka njoftuar se SHBA-të do të vendosin mijëra trupa shtesë në Arabinë Saudite, me qëllim që t’i ‘vijnë në mbrojtje vendit’.

Sekretari i Mbrojtjes i SHBA Mark Esper thotë se ai ka autorizuar vendosjen e forcave shtesë, përfshirë avionët luftarakë dhe një sistem mbrojtës, transmeton portali arbresh.info

Ai tha se vendimi është një përgjigjje e ‘kërcënimeve në rajon’, mes përpjekjeve për të mbrojtur mbretërinë nga ‘agresioni iranian’.

Masa vjen pas një sulmi në objektet e naftës në Arabinë Saudite gjatë muajit shtator.

“Të marra së bashku me dislokimet e tjera, kjo përbën një shtesë prej 3,000 forcash që janë zgjeruar ose autorizuar brenda muajit të fundit,” tha zëdhënësi i Pentagonit Jonathan Hoffman.

Shtetet e Bashkuara kanë rritur vendosjen e forcave në rajon me 14 mijë trupa që nga maji, sipas CNN, ndërsa sipas Esper, Princi i Kurorës Saudite Mohammed bin Salman kishte kërkuar mbështetje shtesë.

SHBA ka akuzuar Iranin për sulmet në Arabinë Saudite. /arbresh.info/