Qeveria e re populiste e Italisë ka marrë votë-besimin në Dhomën e Lartë të Parlamentit. Dhoma e Ulët pritet të votojë të mërkurën.

Aleanca mes anti-establishmentit Lëvizja Pesë Yjet dhe krahut të djathtë Liga kanë fituar mbështetjen e Senatit falë 171 votave në favor, 117 kundër dhe 25 abstenimeve, transmeton portali arbresh.info.

Më parë kryeministri i sapozgjedhur i Italisë, Giuseppe Conte, ka mbajtur fjalimin e tij të parë në Senatin italian, duke folur për nevojën e qeverisë për të reduktuar borxhin e madh publik të vendit “nëpërmjet rritjes”, jo kursimit.

Javën e kaluar, një koalicion euroskeptik Lega dhe lëvizja anti-establishment Pesë Yjet (M5S) kanë arritur të formojnë një qeveri pas javësh bisedimesh dhe refuzimin e përpjekjes së tyre të parë për të formuar një kabinet.

Ndër çështjet e tjera, marrëveshja e koalicionit ndërmjet dy partive bën thirrje për heqjen e sanksioneve kundër Rusisë dhe për rivendosjen e Moskës si një ndërmjetës strategjik të krizave siriane, libiane dhe jemenase./Arbresh.info/