Vladimir Putin ka njoftuar se sot Rusia do të shkatërrojë armët e fundit kimike në një ngjarje historike, ndërsa ka kritikuar homologun amerikan Donald Trump që nuk po vepron njësoj.

I pari i Kremlinit bëri njoftimin sot, duke thënë që gjithçka që Rusia ka trashëguar nga epoka Sovjetike do të zhduket, transmeton portali arbresh.info

Presidenti Putin gjithashtu ka përdorur fjalimin për të thumbuar Uashingtonin, ku ka thënë që Shtetet e Bashkuara nuk po kryejnë në tërësi detyrat ndërkombëtare.

“Sot municioni i fundit kimik nga rezervat e armëve kimike të Rusisë do të shkatërrohet”, tha Putin në komentet që bëri në televizion.

“Ky është një hap i madh drejt bërjes së botës moderne më të sigurt dhe të balancuar”, është shprehur presidenti rus.

Ndërsa për vonesat e Uashingtonit për të shkatërruar armët kimike për shkak të fondeve të pamjaftueshme, ai ka thënë se janë arsye të çuditshme./arbresh.info/