Rreth 200 roje të Çernobilit janë zënë rob nga trupat ruse

19:53 | 1 Prill 2022
Lorik Gerbeshi

Kryebashkiaku i Slavutych, qyteti ku jetojnë shumica e punëtorëve të Çernobilit, tha se rreth 200 anëtarë të gardës kombëtare ukrainase ka të ngjarë të jenë kapur rob nga trupat ruse ndërsa ata u tërhoqën nga termocentrali bërthamor, transmeton arbresh.info

Yuri Fomichev tha për BBC:

“Ne i konsiderojmë robër lufte”.

Ai tha se rojet kanë qenë jashtë kontaktit që nga e enjtja, duke shtuar:

“Po punojmë për shkëmbimin e të burgosurve”.

Fomichev tha se nuk ishte ende e qartë nëse trupat ruse kishin lënë të gjithë zonën e përjashtimit të Çernobilit, apo vetëm zonën e menjëhershme rreth termocentralit.

“E gjithë zona e Çernobilit është shumë e madhe. Ne nuk mund t’i monitorojmë të gjitha – ne e dimë vetëm se çfarë po ndodh drejtpërdrejt rreth termocentralit ku janë punëtorët tanë”./Arbresh.info