Regjimi i Assadit është duke përdorur ligjin pak të njohur kundër terrorizmit për të sekuestruar pronat e disidentëve dhe familjeve të tyre.

E tërë kjo po bëhet në kuadër të marrjes së kontrollit të zonave që mbaheshin dikur nga grupet e opozitës, thonë disa nga të prekurit, transmeton portali arbresh.info.

Me konfliktin e Sirisë të stabilizuar, të paktën për tani, dhe Bashar al-Assad përsëri në kontroll të qyteteve më të mëdha, ka një fokus në rritje në mënyrën se si ai do të merret me zonat ku kryengritja e vitit 2011 kundër tij u ndez.

Vëmendja ndërkombëtare është përqendruar në politikat, siç është legjislacioni i njohur si Ligji 10, që mund t’i mundësojë regjimit që t’i shfarosë njerëzit në bastionet e opozitës më të dëmtuara në luftë.

Por, derisa Ligji 10 ende nuk është zbatuar, ligji i veçantë kundër terrorizmit tashmë është përdorur për të konfiskuar prona, duke përfshirë edhe ata që nuk kanë pasur dorë në dhunë, sipas grupeve të të drejtave të njeriut./Arbresh.info/