Putin po humb besimin në luftën e Ukrainës, thotë ish-kryeministri rus

11:01 | 14 Maj 2022

Mikhail Kasyanov, i cili shërbeu si kryeministër nën Vladimir Putin në fillim të viteve 2000, tha për DW se ai beson se Presidenti rus “tashmë ka filluar të kuptojë se e ka humbur luftën në Ukrainë”.

Kasyanov shërbeu si kryeministri i parë i Putinit nga viti 2000 deri në 2004 përpara se të shkarkohej, dhe vazhdoi të formonte një parti opozitare dhe të kandidonte për president në vitin 2008. Ai u bë një kundërshtar i zëshëm i Putinit dhe tani jeton në mërgim, transmeton portal arbresh.infoi

Në një intervistë për Deutche Welle, ai tha Putini më nuk flet nga një pozicion i fuqishëm dhe se është dukur ‘nervoz’ gjatë një fjalimi në paradën ushtarake që mbajti për të përkujtuar “Ditën e Fitores”, fundin e Luftës së Dytë Botërore më 9 maj.

Në fjalim, Putin dyfishoi luftën, duke pretenduar në mënyrë të rreme se Ukraina mund të kishte armë bërthamore dhe se vendi po udhëhiqet nga neo-nazistët.

Presidenti rus tha se pushtimi ishte “vendimi i vetëm i duhur”, duke pretenduar se Perëndimi po planifikonte të pushtonte Rusinë.

“Reagimi i Putin dhe fjalimi i tij ishte absolutisht i dobët”, tha Kasyanov, duke shtuar se Putin “tashmë kishte filluar të kuptoj se po e humbiste këtë luftë”.

Kasyanov mbështeti teorinë që shumë analistë mbajnë rreth asaj se si rrethi i brendshëm i Putinit i ka fshehur informacionet ose nuk i ka ofruar atij një pamje të plotë të gjendjes së luftës, nga frika se mos jepte lajme të këqija.

“Jam i sigurtë se ai u mashtrua”, tha ai duke shtuar se “Putin beson se ushtria e tij është në një formë të shkëlqyer dhe se pushtimi do të marrë edhe pak kohë”.

E gjitha vjen disa javë pasi Rusia u tërhoq nga Kievi dhe rifokusoi energjinë e saj në pjesën lindore të vendit.

Me Rusinë që po përjeton disa disfata në fushën e betejës, Kasyanov paralajmëroi se Putini mund të shikojë ta shtyjë konfliktin në një fazë të re.

“Tani ne po vijmë në një fazë tjetër – kjo garë e rivalitetit, e potencialeve ekonomike, e potencialeve ushtarake,” tha ai, duke vënë në dukje se vendimi i vendeve Perëndimore për të dërguar armë të rënda në Ukrainë do t’i japë Kievit “një avantazh vendimtar” në të ardhmen.

Pasi ka punuar së bashku me Putinin, Kasyanov tha se lideri rus ka pësuar një ndryshim drastik.

“Kam punuar me të 20 vjet më parë. Ishte një person krejtësisht tjetër. Ishte një situatë krejtësisht tjetër në atë kohë,” tha ai.

“Ne kishim parlament, parlament të pavarur – kishim media të pavarura, kishim një gjyqësor. Sot Rusia është një botë krejtësisht tjetër,” tha ai.

Sipas tij, Vladimir Putin ka shkatërruar të gjitha tiparet e shtetit demokratik dhe tani ka vendosur një regjim absolutisht autoritar, që gradualisht po shkon në totalitarizëm./arbresh.info/

Shpërndaje në rrjete sociale

Lajmet më të lexuara