Opozita siriane akuzon regjimin për shkelje të armëpushimit

21:43 | 25 Shkurt 2017
Arbresh Info

Përderisa vazhdojnë sulmet ajrore në rajonin e Homsit në Siri, të cilin regjimi i Asadit e mban nën rrethim, forcat opozitare kanë tërhequr vëmendjen se regjimi ka për qëllim prishjen e raundit të katërt të bisedimeve në Gjenevë për Sirinë.

Në Homs opozitarët në rajonin Vaer nën rrethimin e regjimit të Asadit, kanë bërë një deklaratë në lidhje me sulmet e pandërprera ajrore pavarësisht vazhdimit të bisedimeve të Gjenevës.

Në deklaratë theksohet se regjimi dhe grupet e tij mbështetëse për të prishur bisedimet në Gjenevë, vazhdojnë sulmet intensive kundrejt venbanimeve civile, duke përfshirë edhe autokolonat e ndihmave humanitare.

Edhe Përfaqësuesi special i OKB-së për Sirinë Staffan De Mistura, në një deklaratë të bërë me 23 shkurt kishte njoftuar se Rusia ka kërkuar nga regjimi i Asadit që të ndalte sulmet ajrore gjatë bisedimeve në Gjenevë.