Sipas Organizatës Ndërkombëtare për Migracionin, shifra për numrin e njerëzve që kanë vdekur ose janë zhdukur gjatë kalimit të Mesdheut është në shkallën më të lartë që nga viti 2018.

Të paktën 2,480 emigrantë kanë vdekur ose janë zhdukur në Mesdhe që nga fillimi i vitit, një shifër pikëlluese që tashmë tejkalon shifrën për të gjithë vitin 2022.

Vitin e kaluar, 2.411 njerëz vdiqën duke u përpjekur të kalonin të njëjtën rrugë, sipas Organizatës Ndërkombëtare për Migracionin (IOM), e cila gjurmon numrin e njerëzve që kanë vdekur në procesin e migrimit.

Agjencia e Kombeve të Bashkuara raportoi gjithashtu se viti 2023 është viti më vdekjeprurës për migrimin përmes Mesdheut që nga viti 2018.

Ndërkohë, në Amerikë, të paktën 1,078 njerëz kanë vdekur ose janë zhdukur këtë vit, një rënie e lehtë nga viti i kaluar kur 1.457 vdiqën ose u zhdukën në të njëjtin rajon.

IOM filloi të gjurmonte vdekjet në vitin 2014. Që atëherë, viti më vdekjeprurës ishte 2016, me 5,136 vdekje në mbarë botën./euronews.al