Organizata Botërore e Shëndetësisë parashikon rritje të rasteve me Covid pas pushtimit rus në Ukrianë.

“Disa nga vullnetarët tanë u infektuan me Covid ndërsa ndihmonin në menaxhimin e refugjatëve në kufi ose në qendrat e refugjatëve. Dhe për shkak se si në Moldavi ashtu edhe në Ukrainë shkalla e testimeve është e ulët, kjo do të thotë që pandemia është në vazhdim”, tha Constanta Dohotaru, një aktiviste e përfshirë në krizën e refugjatëve ukrainës që kanë shkuar në Moldavi, transmeton portal arbresh.info

Shkalla e vaksinimit kundër Covid në Moldavi është rreth 29 përqind, ndërsa në Ukrainë rreth 34%.

Në një konferencë shtypi të mërkurën, zyrtarët në Organizatën Botërore të Shëndetësisë thanë gjithashtu se ndërsa pandemia vazhdon, lufta në Ukrainë do të ndihmojë në përhapjen e koronavirusit.

Maria Van Kerkhove, drejtoresha teknike e OBSH-së për Covid, ka deklaruar se OBSH do të punojë me vendet që pranojnë refugjatë për të siguruar që testimet dhe vaksinimet për Covid-19 të vazhdojnë.

Deri më tani më shumë se 2 milionë njerëz kanë ikur nga Ukraina e shkatërruar nga lufta, ku shumica kanë shkuar në Poloni./arbresh.info/