Nga Tirana, Zelensky, Macron, Merz, Starmer dhe Tusk, telefonatë me presidentin amerikan Trump për bisedimet Rusi-Ukrainë

16:25 | 16 Maj 2025
E.K

Nga Tirana, liderët evropianë dhe Zelensky zhvillojnë telefonatë me Trumpin – në fokus bisedimet Rusi-Ukrainë

Gjatë qëndrimit në Tiranë, ku po marrin pjesë në Samitin e Komunitetit Politik Evropian, presidenti ukrainas Volodymyr Zelensky, së bashku me presidentin francez Emmanuel Macron, kancelarin gjerman Friedrich Merz, kryeministrin britanik Keir Starmer dhe kryeministrin polak Donald Tusk, kanë zhvilluar një telefonatë me presidentin amerikan Donald Trump.

Sipas presidencës ukrainase, biseda është mbajtur të premten dhe tema kryesore ka qenë procesi i bisedimeve midis Ukrainës dhe Rusisë në Stamboll. Lajmin e ka konfirmuar një zëdhënës i Zelensky për CNN.