Presidenti Donald Trump ka paralajmëruar se SHBA-të do të kalojnë në “Fazën II” nëse sanksionet e imponuara në Korenë Veriore nuk sjellin efektet e dëshiruara.

Trump i ka bëro këto komente gjatë një konference të përbashkët për shtyp me kryeministrin australian Malcolm Turbull, transmeton portali arbresh.info

“Nëse sanksionet nuk funksionojnë, ne do të duhet të shkojmë në fazën e dytë, dhe kjo fazë mund të jetë shumë e pafat për botën”, tha ai.

Trump nuk ka dhënë detaje mbi atë që ai nënkupton me “Faza II” dhe e cilësoi deklaratën duke thënë se ai nuk “do të dëshironte që puna të vinte deri aty”.

Administata e Donald Trump ka paralajmëruar për sanksione të reja, më të mëdha ndaj Koresë Veriore.

Kufizimet janë bërë kundër 50 anijeve, kompanive të transportit dhe bizneseve tregtare./arbresh.info/