Moska përjetoi dhjetorin e saj më të errët në rekord gjatë vitit 2017, pasi përjetoi vetëm gjashtë minuta diell.

Kryeqyteti rus zakonisht gjatë muajit dhjetor ka mesatarisht një orë në ditë diell, por gjatë vitit 2017 kjo ra në mënyrë dramatike, shkruajnë mediat ruse, transmeton portali arbresh.info

Stacioni meteorologjik i Universitetit Shtetëror të Moskës njoftoi se për të gjithë dhjetorin dielli në qiellin e Moskës u shfaq vetëm për ‘gjashtë minuta ose shtatë minuta’, sipas agjensisë së lajmeve TASS.

Deri tani, muaji më i errët në Moskë ishte dhjetor 2000, kur u regjistruan vetëm tre orë kohë të mirë.

Lajmi vjen kur temperaturat në Rusi bien në një nivel të ulët rekord.

Gjatë fundjavës, dy njerëz janë ngrirë për vdekje pasi makina e tyre u prish, përderisa ata janë përpjekur që të shkonin në fermë.

Nëpër disa vende të Rusisë temperaturat kanë shkuar deri në -50 gradë./arbresh.info/