Portreti zyrtar i mbretit Charles i Tretë që do të vendoset në monedhën britanike u publikua të enjten.

“Royal Mint prodhon monedha për Mbretërinë e Bashkuar prej 1.100 vjetësh dhe sa herë që ka një monark të ri, kompania bën një monedhë të re me portretin e tij. Prodhimi i këtyre monedhave ishte dikur mënyra e vetme që njerëzit të merrnin vesh se si dukej mbretëresha, ndryshe nga sot që janë rrjetet sociale. Ndaj, portreti i mbretit Charles do të jetë në çdo monedhë që do të prodhojmë”, tha Anne Jessopp, drejtoreshë ekzekutive e “Royal Mint”.

Kevin Clancy, drejtor i muzeut të monedhave Royal Mint, tha se portreti i mbretit do të jetë kthyer majtas.

“Charles i Tretë do të jetë i kthyer majtas, në drejtimin e kundërt të mbretëreshës dhe përshkrimi përreth portretit do të jetë: “Charles III, me mëshirën e Zotit, mbret dhe mbrojtës i besimit”. Do të jetë shumë tradicionale”, shprehet Kevin Clancy, drejtor i muzeut “Royal Mint” /euronews