Ministri izraelit i dërgon letër Këshillit të Sigurimit të OKB-së: Irani ka një plan strategjik për eliminimin e Izraelit

12:37 | 18 Qershor 2025
E.K

Ministri i Jashtëm i Izraelit, Gideon Sa’ar, i ka dërguar një letër Këshillit të Sigurimit të Kombeve të Bashkuara, ku pretendon se Irani ka një “plan strategjik” për të eliminuar vendin e tij, duke theksuar se Izraeli është i vendosur të mbrohet.

“Irani ka një plan strategjik për të eliminuar Izraelin. Izraeli nuk mund dhe nuk do ta pranojë kërcënimin e shfarosjes!” shkroi Sa’ar në një postim në rrjetin social X, ku ndau edhe një kopje të letrës.

Në letrën e tij, Sa’ar tha se sulmi i Izraelit ndaj Iranit u zhvillua pas një përparimi kritik në programin bërthamor iranian dhe kishte për qëllim, gjithashtu, të parandalonte kërcënimin e menjëhershëm të sulmeve të tjera me raketa dhe ndërmjetësime iraniane.

Vendimi për të kryer sulmin u mor “si masë e fundit”, thuhet në letër.