Mbështetësit e ISIS-it e quajnë uraganin Irma një tjetër 9/11

21:44 | 9 Shtator 2017
Trina Galanxhi

Mbështetësit e të ashtuquajturit Shteti Islamik kanë reaguar për uraganin Irma që ka goditur një pjesë të Shteteve të Bashkuara.

Përmes mediave sociale ata e kanë quajtur uraganin ‘ushtar të Allahut’ dhe një tjetër 9/11, transmeton portali arbresh.info

Stuhia e kategorisë së pestë që ka goditur SHBA-të ka detyruar rreth 5 milionë banorë të Floridës të largohen nga shtëpitë e tyre.

Shefi i Agjencisë Federale të Menaxhimit të Emergjencave të SHBA (FEMA), Brock Long, ka thënë se stuhia do të “shkatërrojë” disa pjesë të SHBA-ve.

Një përdorues i mediave sociale ndau një fotografi mbi dëmet e shkaktuara nga Uragani Harvey, ndërsa në koment shkruhej: “Kjo është ajo që keni bërë me myslimanët dhe kështu e meritoni t’iu ndodh”.

Pretendohet se uragani Irma ka marrë 21 jetë njerëzit pasi kishte goditur Karaibet, ndërsa në orët e hershme të mëngjesit ka zbarkuar në Kubë./arbresh.info/