Pamje të filmuara nga droni por edhe në tokë shfaqin llavën e cila ngadalë është duke lëvizur drejt rrugëve të Havait, ku pas një shpërthimi të fuqishëm të vullkanit i tërë vendi është përfshirë nga zjarri.

Vullkani Kilauea në Havai tashmë ka shkatërruar 35 shtëpi dhe ndërtesa, derisa 1,700 banorë janë detyruar të braktisin shtëpitë e tyre për shkaqe sigurie, pasi llava lëshon një gaz toksik që mund t’ua rrezikoj jetën, transmeton Telegrafi.

Llava e kuqe ka “përpirë” shtëpi, pemë, vetura si dhe rrugë – duke bërë që gjithçka që i del përpara të bëhet shkrumb e hi.

Pamjet e videos së publikuar më poshtë, shfaq llavën duke lëvizur nëpër rrugë në drejtim të një veture të parkuar të cilën pothuajse e shkrin të tërën.

“Bëhuni gati të evakuoheni”, thuhet në paralajmërimin e agjencisë për mbrojtje civile të Havait. Sipas tyre edhe zona tjera të Havait priten të preken nga kjo sasi e madhe e llavës që ka “pushtuar” qytetet. /Telegrafi/