Lirohen pas gjashtë muajve punonjësit e rrëmbyer

17:39 | 5 Qershor 2017
Arbresh.info

Janë liruar gjashtë punonjës pakistanezë të rrëmbyer gjashtë muaj më parë.

Ata ishin duke punuar për një kompani nafte polake kur u rrëmbyen gjashtë muaj më parë nga talibanët, transmeton portali arbresh.info.

Gjashtë punonjësit e firmës Geofizyka Krakow u liruan natën e së dielës dhe u transferuan në qytetin kryesor në rajonin veriperëndimor të Pakistanit Jugor Waziristan, sipas Muhammad Tahirit, administratorit politik të qytetit.

Rrethanat e sakta të lirimit të punëtorëve janë ende të paqarta. Ambasada Polake i referoi të gjitha pyetjet në ministrinë e jashtme në Varshavë.

Punëtorët pakistanezë u rrëmbyen nga automjetet e tyre në nëntor, 80 kilometra nga qyteti veriperëndimor i Dera Ismail Khan.

Në vitin 2008, një inxhinier polak që punonte për firmën u rrëmbye nga talibanët pakistanezë pranë qytetit veriperëndimor të Attock dhe iu pre koka disa muaj më vonë./Arbresh.info