Kreu i organizatës Hamas, Khalil al-Hayya, njoftoi të enjten arritjen e një marrëveshjeje me Izraelin dhe fundin e luftës në Gaza.

Al-Hayya, i cili shpëtoi javë më parë nga një përpjekje izraelite për ta vrarë në Katar, deklaroi se armëpushimi do të jetë i përhershëm dhe se kalimi i Rafah-ut drejt Egjiptit do të jetë i hapur në të dyja drejtimet, duke mundësuar lëvizjen e lirë të personave dhe ndihmave humanitare.

Ai bëri me dije se marrëveshja parashikon gjithashtu lirimin nga Izraeli i të gjitha grave dhe fëmijëve palestinezë të burgosur. Sipas tij, Hamas ka marrë garanci nga Shtetet e Bashkuara, ndërmjetësit arabë dhe Turqia se konflikti në Gaza ka marrë fund përfundimisht.

Një tjetër zyrtar i lartë i Hamasit, Osama Hamdan, tha në Egjipt se asnjë palestinez nuk do të pranojë çarmatimin dhe theksoi se populli ka nevojë për armë dhe rezistencë për të mbrojtur veten.

BREAKING:

One of Hamas’ top 5 leaders Khalil al-Hayya has announced that the ceasefire will be permanent

It remains to be seen whether Hamas will disarm and hand over power in accordance with the peace plan. pic.twitter.com/g7QmEIj3h9

— Visegrád 24 (@visegrad24) October 9, 2025