Lavrov: Terroristët që refuzojnë të largohen nga Alepo do të eliminohen

18:34 | 6 Dhjetor 2016
Trina Galanxhi

Ministri i Jashtëm rus Sergei Lavrov tha se terroristët që refuzojnë të largohen nga qyteti i kontestuar sirian, Alepo, do të elimonohen.

“Nëse dikush refuzon të largohet në paqe, ai do të eliminohet. Të paktën kështu e kuptoj unë, dhe s’do të ketë asnjë mënyrë tjetër,” tha Lavrov, transmeton arbresh.info.

Shtetet e Bashkuara ‘papritur’ kanë njoftuar për një takim të planifikuar më parë në Gjenevë për të vendosur rreth rrugës dhe tërheqjes së militantëve nga Alepo lindor.

“Kjo duket si një përpjekje për të pasur kohë me qëllim që militantët të furnizohen,” shtoi Lavrov.

Pas bombardimit të spitalit mobil në Alepo, ku humbën jetën edhe dy infermiere ruse, Lavrov tha se Rusia do të ndihmojë ushtrinë siriane të marrë masa shtesë të sigurisë për të mbrojtur spitalet nga terroristët. /Arbresh.info