Ky do të jetë dimri më i ftohtë sipas britanikëve

19:32 | 8 Janar 2017
M. A.

Britania është duke u përballur me shpërthimin Arktik, pasi temperaturat e ulëta deri tani kanë arritur deri në – 10 gradë celsius.

Si pasojë e kushteve të rënda atmosferike, acarit dhe akullit, janë shkaktuar dhjetëra viktima në gjithë Evropën derisa dimri bën punën e tij.

Sipas raportimeve britanike, mësohet se bora nuk do jetë aspak befasi edhe në ditët e ardhshme, pasi sasi e saj do bjer edhe më tutje derisa do ketë dhe ngrica të paparashikueshme, transmeton Klan Kosova.

Meteorologët në Britani thonë se mot të ngjashëm do përshkoj edhe në ditët në vazhdim.

“Në fundjavën e ardhshme brenda natës do mund të ketë shifra të dyfishta në minus, kështu që ky mund të jetë një ndryshim i madh i motit në rrugë dhe ndoshta do të jetë dimri më i ftohtë që keni përjetuar deri më tani’’ .