Kryeqyteti i Argjentinës mbetet pa energji për shkak të nxehtësisë rekord

22:46 | 11 Janar 2022

Buenos Aires, kryeqyteti i Argjentinës, ka përjetuar sot ndërprerje të madhe të energjisë elektrike, ku mijëra shtëpi kanë mbetur pa energji.

Kjo ka ardhur si pasojë e nxehtësisë rekord që shkoi mbi 40 gradë Celsius, transmeton portal arbresh.info

Shpërndarësit e energjisë elektrike Edenor dhe Edesur kanë raportuar ndërprerje të energjisë pasi qytetarët kanë shtuar përdorimin e pajisjeve ftohëse në shtëpitë dhe kompanitë e tyre për shkak të temperaturave të larta, sipas Reuters.

Autoriteti Kombëtar Rregullator i Energjisë Elektrike (ENRE) tha se 700,000 përdorues të Edenor dhe 43,400 përdorues të Edesur mbetën pa energji elektrike në Buenos Aires.

AySA, e cila siguron ujë të pijshëm për Buenos Aires, i kërkoi popullatës që të optimizojë përdorimin e ujit, sepse ndërprerja e energjisë ndikoi edhe në sistemin e saj të trajtimit.

Ekpertët parashikojnë se në pjesën e mbetur të javës Buenos Aires do të përjetojë temperature të larta, të cilat mund të shkojnë mbi 40 gradë./arbresh.info/

Shpërndaje në rrjete sociale

Lajmet më të lexuara