Koreja Veriore lëshon dy raketa në Detin e Japonisë

07:28 | 25 Mars 2021

Koreja Veriore ka lëshuar dy raketa balistike të cilat kanë përfunduar në ujërat e Japonisë, kanë deklaruar SHBA dhe Japonia.

Këto janë provat e para të raketave balistike që kur Joe Biden morri nën udhëheqje Shtëpinë e Bardhë, transmeton portal arbresh.info

Sipas rezolutave të Këshillit të Sigurimit të OKB-së, Peniani e ka të ndaluar të provojë raketat balistike, pasi ato konsiderohen armë kërcënuese.

Japonia dhe Koreja Jugore e kanë dënuar ashpër provokimin nga ana e Koresë Veriore.

Veprimi vjen vetëm disa ditë pasi Koreja e Veriut thuhet se hapi dy raketa jo-balistike në Detin e Verdhë.

Të martën, Koreja Veriore lëshoi një raketë balisitike të cilët SHBA-të e quajtën provokim. Raketa me rreze të shkurta mendohej të ishin artileri, të cilat nuk janë të ndaluara nga Këshilli i Sigurimit.

Testi i së enjtes vjen gjithashtu disa ditë pasi SHBA morri në paraburgim një biznesmen nga Koreja Veriore, Mun Chol Myung i cili u ekstradua nga Malajzia.

Mun është një biznesmen i akuzuar për pastrim parash përmes sistemit financiar të SHBA për të siguruar sende luksoze në Korenë e Veriut.

Incidenti zemëroi Korenë e Veriut aq shumë sa ndërpreu lidhjet diplomatike me Malajzinë./arbresh.info/

Shpërndaje në rrjete sociale

Lajmet më të lexuara