“Babagjyshët” protestojnë kundër presidentes

17:49 | 24 Dhjetor 2016
Trina Galanxhi

Dhjetëra mijëra koreanë, të veshur si babagjyshë, kanë marshuar nëpër rrugët e Seulit, duke kërkuar dorëheqjen e menjëhershme të presidentes.

Protesta festive ka shënuar javën e nëntë të mitingjeve kundër Park Guen-hye, transmeton arbresh.info.

Parlamenti në Korenë Jugore ka votuar fajësinë e Park në lidhje me një skandal korrupsioni, por vendimi pritet të konfirmohet nga Gjykata Kushtetuese.

Megjithatë, protestuesit kërkojnë dorëheqjen e saj të menjëhershme.

Organizatorët thonë se më shumë se 550 mijë njerëz i janë bashkuar protestës që marshonte drejt presidencës, zyrës së kryeministrit dhe gjykatës Kushtetuese.

Turma gjatë protestës ka brohoritur ‘Arrestoni Park menjëherë!’ dhe kanë kënduar këngët e Krishtlindjeve, vargjet e të cilave i kishin ndryshuar duke u tallur me Park./Arbresh.info

_93119340_southkoreasantas _93119344_santaboy _93119346_santas2 _93119348_santas3