Katastrofë natyrore në Francë: Përmbyten makinat, njerëzit mbesin të bllokuar

20:31 | 14 Shtator 2021

Stuhitë dhe përmbytjet e mëdha goditën provincën franceze të Occitania, ku sasia e shiut që bie normalisht në dy muaj ra për gjashtë orë pa u ndalur.

Shërbimi meteorologjik francez lëshoi ​​një paralajmërim të kuq për këto pjesë të vendit, për shkak të “fatkeqësive të rrezikshme dhe shumë intensive”, transmeton portal arbresh.info

Në paralajmërim është theksuar që qytetarët të qëndrojnë në shtëpi dhe të shmangin daljet dhe vozitjet.

Nivelet e lumenjve po rriten me shpejtësi, kështu që ka frikë se pasojat e përmbytjeve mund të jenë edhe më të këqija.

Gjatë përmbytjeve janë regjistruar 23 njerëz të bllokuar në makina, të cilët më pas janë shpëtuar nga ekipet e zjarrfikësve,

Në disa vende, u vu re se uji përmbyti shkollat ​​ndërsa nxënësit ishin në to, por të gjithë arritën të shkojnë në vend të sigurt. Në më pak se 24 orë, kjo zonë u godit nga 19,000 vetëtima, dhe 1,300 janë regjistruar vetëm në qytetin e Nimes, raportojnë mediat franceze./arbresh.info/

Shpërndaje në rrjete sociale

Lajmet më të lexuara