Ishujt Solomon kanë tërhequr njohjen e Tajvanit, duke e njohur Kinën si tërësi territoriale.
Kjo gjë tashmë e lë Taipein shumë të izoluar për shkak të njohjeve të pakta, transmeton portali arbresh.info.
Ministria e Jashtme e Tajvanit konfirmoi që kabineti i Ishujve Solomon miratoi një rezolutë që njohu Pekinin si qeverinë e Kinës dhe njoftoi se do të mbyllte menjëherë ambasadën e saj në vendin ishull të Paqësorit.
Tajvani vetë-qeverisur u shkëput nga kontinenti në 1949 pasi komunistët në Pekin dolën fitimtarë nga një luftë civile. Kina e konsideron Tajvanin si pjesë të territorit të saj dhe është zotuar ta rimarrë atë – edhe përmes forcës ushtarake.
Tërheqja e Ishujve Solomon e lënë Tajvanin të njohur nga vetëm 16 vende, kryesisht kombe të vogla në Paqësorin dhe Amerikën Latine. Qëkur Presidenti tajvanez Tsai Ing-wen mori detyrën në vitin 2016, gjashtë vende kanë ndërruar mendim ndaj Pekinit.
Ministri i Jashtëm i Tajvanit Joseph Wu akuzoi Kinën se ishte përfshirë në “diplomaci të dollarit” për të marrë njohje.
Ministria e jashtme e Kinës tha në një deklaratë se “vlerëson shumë” vendimin për ndërprerjen e lidhjeve diplomatike me Tajvanin./arbresh.info/
Deputeti gjerman: Nëse Serbia dëshiron BE, duhet ta njohë Ko...
A mund të ndikojë rezultati i zgjedhjeve në SHBA në Ballkan?
Hamasi do ta mbajë të fshehtë identitetin e liderit të ri pë...
Shkëlqeu me Granadan këtë fundjavë, Uzuni në formacionin e j...
Policia jep detaje për aksidentin tragjik ku humbën jetën dy...
Pastrim parash, korrupsion dhe mosdeklarim pasurie, si ndodh...