Forcat detare iraniane kanë organizuar stërvitje ushtarake në shkallë të gjërë mbi një zonë që mbulon rreth dy milionë kilometra katrorë, gjë që ka shtuar rritjen e tensioneve me SHBA-të.

Ushtrimet e fundit, që janë kryer në ngushticën e Hormuzit dhe Detit Oman në veri të Oqeanit Indian, shënojnë fazën e fundit të ‘lojrave luftarake’ që filloi në vitin 2016, raporton agjensia e lajmeve Tasnim, transmeton portali arbresh.info.

Stërvitjet, me emrin e koduar ‘velayat 95’, nisën në jug të Iranit pas një urdhëri nga komandanti i marinës iraniane Rear Admiral Habibollah Sayyari.

Sipas tij ‘lojrat luftarake’ përfshijnë luftën elektronike, teste raketore, operacionet e zbulimit, vendosjen e nëndetëseve, si dhe operacionet e shpëtimit.

Zyrtarët e Iranit këmbëngulin se ‘lojrat luftarake’ nuk shkelin marrëveshjen bërthamore mes Iranit dhe Grupi 5+1 (ku bëjnë pjesë SHBA-të, Kina, Rusia, Gjermania, Franca dhe Britania) të nënshkruar në janar të vitit 2016.

Megjithatë, tensioned mes Iranit dhe Shteteve të Bashkuara janë rritur pasi Irani testoi disa rakesta balistike.

Presidenti i SHBA-ve, Donald Trump përmes rrjetit social Twitter ka shkruar se ‘Irani po luan me zjarr’ dhe ka premtuar se ‘nuk do të rrijë duarkryq’. Menjëherë ka reaguar edhe Ministri i Jashtëm, i cili ka deklaruar se ‘Teherani mbetet “i paprekur” nga kërcënimet’./Arbresh.info