Një zjarr i madh shpërtheu në periferinë jugore të Bagdadit, pasuar nga shpërthime, duke vrarë një person dhe 29 të tjerë janë plagosur, shumica prej tyre fëmijë.
Zjarri shpërtheu në një nga bazat e forcave të vetëmbrojtjes shiite, ku ndodheshin raketa me rreze të shkurtër veprimi, njofton Reuters, duke cituar burime të sigurisë.
Shpërthimet u dëgjuan në gjithë kryeqytetin e Irakut, Bagdad.
Për shkak të zjarrit janë aktivizuar disa raketa që ranë disa kilometra larg. Me atë rast, 14 persona u plagosën, shumica prej tyre fëmijë, tha një zyrtar lokal i shëndetësisë.
Zëdhënësi i Ministrisë së Shëndetësisë Saif Badr tha se lëndimet ishin të vogla dhe shumica u liruan nga spitali.
Sky News Arabia ka njoftuar se raketat kanë rënë në “Zonën e gjelbër” të Bagdadit, ku ndodhet Ambasada e SHBA-së, por nuk ka dhenë më shumë informacione.
Burimet e policisë thonë se ruajtja jo e rregullt dhe temperaturat e larta janë shkaku më i mundshëm i zjarrit.
Ministria e Brendshme ka urdhëruar një hetim lidhur me rastin, transmeton KosovaPress.
QKMK: Shmangni autostradat drejt Zagrebit, 500 mijë persona ...
Bislimi priti në takim deputetët britanikë Vickers dhe Foste...
Rusia bëhet vendi i parë që njeh regjimin e talibanëve
Arrestohen dy kosovarë në Kukës, po trafikonin armë nga Koso...
Disa shtetasve serbë iu sekuestrohen mbi 100 mijë euro të pa...
Distria Krasniqi në pullat postare të Kosovës