Holanda do të bëhet vendi i parë i Evropës Perëndimore që do të vendosë një bllokim të pjesshëm që nga vera, duke futur masa të reja të rrepta nga e shtuna pas numrit rekord të infeksioneve të reja me coronavirus.

Sipas medieve të huaja, përcjell Telegrafi, kufizimet, të cilat priten të konfirmohen nga kryeministri vendas, Mark Rutte, do të zgjasin të paktën tre javë.

Masat do të përfshijnë mbyllen e bareve, restoranteve dhe dyqaneve jo thelbësore nga ora 19:00.

Mbledhjet në shtëpi do të kufizohen në një maksimum prej katër personash, të gjitha ngjarjet sportive do të mbahen me dyer të mbyllura dhe puna në shtëpi do të inkurajohet fuqimisht, megjithëse shkollat, teatrot dhe kinematë duhet të qëndrojnë të hapura.

Bllokimi do të jetë më gjatë se 14 ditët e rekomanduara këtë javë nga ekipi i qeverisë për menaxhimin e shpërthimit, që gjithashtu këshilloi kufizimin e hyrjes në vendet publike në mënyrë rigoroze për ata që janë plotësisht të vaksinuar ose janë shëruar së fundmi