Gjermanët do të udhëtojnë për pushime, pavarësisht pandemisë

23:16 | 2 Qershor 2021

Shumica e gjermanëve planifikojnë të udhëtojnë këtë vetë, pavarësisht pandemisë së koronavirusit, ka zbuluar një studim i fundit.

Dy në tre të anketuar (64 përqind) thanë se planifikojnë të udhëtojnë në muajt e ardhshëm. Nga kjo, një e treta (31 përqind) thanë se do të udhëtonin diku brenda Gjermanisë, 15 përqind thanë se dëshironin të shkonin jashtë vendit dhe 18 përqind thanë se planifikonin t’i kalonin pushimet si brenda ashtu edhe jashtë vendit, transmeton portal arbresh.info

Rreth 33 përqind e tyre thanë se nuk do të udhëtojnë.

Sondazhi u krye nga instituti i sondazheve të opinionit publik Forsa për RTL dhe ntv.

Ata që planifikojnë të qëndrojnë në shtëpi, thanë se arsyea e vetme e vendimit për të mos udhëtuar është pandemia.

53 përqind thanë se janë të pasigurtë të udhëtojnë për shkak të pandemisë.

Një e katërta e të anketuarve deklarojnë se nuk planifikojnë të udhëtojnë për arsye financiare.

Nga ata që planifikonin të udhëtonin, më shumë se gjysma, 55 përqind, thanë se nuk kishin bërë ende ndonjë rezervim.

Në Gjermani hotelet dhe restaurantet janë duke u hapur.

Sondazhi u krye në 1002 persona midis 31 maj dhe 1 qershor, në një mostër përfaqësuese të popullsisë gjermane mbi moshën 18 vjeç./arbresh.info/

Shpërndaje në rrjete sociale

Lajmet më të lexuara