Egjipti liron gazetarin e Al Jazeera pas 4 vitesh në paraburgim

09:34 | 7 Shkurt 2021

Autoritetet egjiptiane kanë liruar Mahmoud Hussein, një gazetar egjiptian që punon për Al Jazeera TV i cili u mbajt në paraburgim për më shumë se katër vjet, konfirmoi të shtunën rrjeti televiziv me bazë në Katar.

Huseini u arrestua në dhjetor 2016 kur u kthye në Egjipt për një festë familjare dhe u akuzua për nxitje kundër institucioneve shtetërore dhe përhapjen e lajmeve të rreme, transmeton portal arbresh.info

Mostefa Souag, ushtruesi i detyrës së drejtorit të përgjithshëm të Al Jazeera mirëpriti lajmin e lirimit të Huseinit, duke e quajtur atë “një moment të së vërtetës dhe një moment historik frymëzues drejt lirisë së shtypit”.

Në një deklaratë me shkrim, Souag tha, “asnjë gazetar nuk duhet t’i nënshtrohet kurrë asaj që ka vuajtur Mahmoud për katër vitet e fundit thjesht për ushtrimin e profesionit të tij”, raportoi faqja e internetit Al Jazeera.

Shtetasi egjiptian 54-vjeçar mbërriti në shtëpinë e tij në Kajro të shtunën, ku u prit nga një festë e madhe familjare.

“Babai i tij vdiq para se të shihte këtë moment, ai po e priste atë për një kohë të gjatë,” i tha nëna Husein AFP-së pak para mbërritjes së djalit të saj.

Kushtet e lirimit nuk janë bërë menjëherë të qarta, megjithatë vëllai i Huseinit, tha se atij i duhet të kalonte disa orë në javë në stacionin e policisë.

Lirimi i Huseinit erdhi disa javë pasi Egjipti dhe Katari rivendosën marrëdheniet diplomatike, pas një ngrirje tre-vjeçare të udhëhequr nga Sauditët në marrëdhëniet me Doha.

Egjipti, së bashku me Emiratet e Bahskuara Arabe dhe Bahrenin, ndërprenë marrëdhëniet diplomatike me Katarin në qershor të vitit 2017, duke pretenduar se ata ishin mbështetës të grupeve radikale islamike dhe se po i qëndronin shumë Iranit.

Doha i ka kundërshtuar të gjitha akuzat.

Lidhjet midis Katarit dhe vendeve të tjera të Gjirit u rivendosën pas një samiti të Gjirit të mbajtur në Al-Ula, Arabia Saudite muajin e kaluar./arbresh.info/

Shpërndaje në rrjete sociale

Lajmet më të lexuara