Duka i Edinburgut: Princi Charles viziton babanë e tij në spital

23:16 | 20 Shkurt 2021

Princi i Uellsit ka vizituar spitalin qendror të Londrës, ku babai i tij, Duka i Edinburgut, po vazhdon të trajtohet pasi nuk është ndjerë mirë.

Princi Philip u shtrua në spitalin e Mbretit Edëard VII si një masë paraprake të marten, shkruan BBC, transmeton portal arbresh.info

Sipas BBC, besohet se Duka do të qëndrojë në spital edhe gjatë javës së ardhshme.

Arsyeja e saktë e pranimit të tij nuk është zbuluar, megjithatë është e bërë e ditur se sëmundja e tij nuk ka të bëjë me koronavirusin.

Një burim i pallatit më parë tha se Duka, i cili do të mbushë 100 vjeç në qershor, ka hyrë në spital në këmbët e tij, pa nevojën e ndihmës.

Princi Charles, 72 vjeç, kaloi rreth 30 minuta në spital të shtunën pasdite. Ai u kthye në rezidencën e tij në Highgrove pas vizitës, tha një zëdhënës i Clarence House.

Sipas rregullave aktuale të bllokimit të koronavirusit të Anglisë, vizita e dikujt në një spital konsiderohet si një “justifikim i arsyeshëm” për të lënë shtëpinë, megjithëse shumë spitale kanë vendosur kufizime të konsiderueshme për vizitorët.

Nëntorin e kaluar, Mbretëresha dhe Princi Philip shënuan përvjetorin e 73-të të martesës duke publikuar një fotografi të tyre./arbresh.info/

Lajmet më të lexuara