Me hapjen e muzeumeve, Danimarka së fundmi ka hapur edhe kafet dhe restaurantet.

Në Kopenhagë jeta po i kthehet normalitetit falë numrit të ulët të qëndrueshëm të të infektuarve me Covid-19, transmeton portal arbresh.info

“Pandemia nuk ka mbaruar, por kemi përshtypjen se po i afrohemi kapitullit të fundit,” tha Darcy Millar, pronar i kafenesë eponim në qendër të kryeqytetit danez, raporton France Presse.

Disa milje larg, Muzeu Kombëtar ka ngritur çadra dhe kontrollon që çdo vizitor të ketë një maskë ose “pasaportë Covid”.

Një vizitë në një muze ose restorant kërkon një pasaportë epidemiologjike që konfirmon një test negativ jo më të vjetër se 72 orë, vaksinimin ose një rikuperim të fundit nga covid-19, por kjo nuk kërkohet edhe për ambientet e jashtme.

Danimarka me popullsi prej 5.8 milionë banorësh, ka numrin katër herë më të ulët të infeksioneve në krahasim me muajin dhjetor.

Fushata e vaksinimit, e ngadalësuar nga braktisja e vaksinës AstraZeneca, duhet të përfundojë në gusht.

8.9 përqind e popullsisë tani është plotësisht e vaksinuar dhe 18.8 përqind kanë marrë dozën e parë./arbresh.info/