Google ADS

Bolivi, Morales shpall zgjedhje të reja

17:25 | 10 Nëntor 2019
Arbresh.info

Presidenti i Bolivisë, Evo Morales, shpalli zgjedhje të reja parlamentare, njoftoi sot agjencia boliviane e lajmeve ABI, pas protestave kundër manipulimeve të pretenduara në zgjedhjet presidenciale të muajit të kaluar.

“Kam vendosur të shpall zgjedhje të reja kombëtare në mënyrë që populli bolivian të mund të zgjedhë qeverinë e tij në një mënyrë demokratike”, deklaroi Morales.

Vendi i Andeve është përfshirë nga trazira kundër manipulimit të pretenduar të zgjedhjeve të 20 tetorit.

Tre persona kanë humbur jetën dhe më shumë se 300 janë plagosur.

Autoriteti zgjedhor ndaloi së publikuari rezultate paraprake që pas garës së fundit të Morales-it të majtë dhe sfiduesit të tij të qendrës së djathtë, Carlos Mesa.

Morales u shpall më vonë fitues i raundit të parë./atsh/

Shpërndaje në rrjete sociale

Lajmet më të lexuara

Të ngjashme

Foto lajm