Ambasadori amerikan në Estoni ka dhënë dorëheqje. Bëhet e ditur se ai ishte i frustruar për shkak të komenteve të presidentit Donald Trump në lidhje me aleatët evropianë.

James D Melville tha se komentet e Trumpit mbi NATO-n dhe BE-në e ka shtyrë atë drejt dorëheqjes, raporton revista Foreign Policy, transmeton portali arbresh.info.

Revista po e citonte një postim të bërë nga emisari.

Trump akuzon evropianët që padrejtësisht po presin nga Amerika që t’i bartë kostot e aleancës së Nato-s.

Ai ka vendosur edhe tarifa tregtare në disa industri të BE.

Diplomatë të tjerë të SHBA lanë postet e tyre në fillim të muajve të fundit:

Në janar, ambasadori i SHBA në Panama John Feeley dha dorëheqjen duke thënë se ai nuk ishte më në gjendje të shërbente nën Presidentin Trump.

Melville është një diplomat karriere dhe mori postin e tij si ambasador në Estoni në vitin 2015, pasi u propozua nga Presidenti Barack Obama./Arbresh.info/